भगवांधारियां नै बाकी दो सीटां पै बी उम्मीदवारां का कर दिया सै ऐलान

मीनू शर्मा: भगवांधारियां नै बी घणे दिनां  का सोच-विचार कर बाकी बची दो सीटां पै अपणे उम्मीदवार घोषित कर दिए  सैं। जिसकी चर्चा चाल रही थी भगवांधारियां नै दोनूआं उम्मीदवारां के नाम का ऐलान कर दिया सै। दोनूआं सीटां पै भगवांधारियां खातर इब्ब नाक का सवाल बण गी सैं। कार्यकत्र्तावां का जितना बी विरोध होणा था होलिया आ इन्नै अपनी गोटियां फिट कर ली सैं इब्ब हाथ आलेआ के अपणे पूरे उम्मीदवार घोषित करणे बाकी सैं।

एक चार सीट पै तो गुलाबी पगड़ी आले का पूत सीट पै बैठया सैं इब्बी बी वा ई लड़ैगा पर एक सीट पै इन्नै फैसला लैणा सैं। हाथ आलेआं नै यू इलैक्शन जीतना जितना जरूरी है उतना ई भगवांधारियां नै अपणी साख बचाना जरूरी है। इब्ब तो बात मूंछ की सैं अर जाट लैंड म्हैं भगवा लहराणा की सै। इब्ब आवैगा घणा मजा। न्यू  तो वोटां के जीत-हार के फैसले तक तो रौणक बनी रवैगी पर इस बार फंसै पैंचां के मुकाबले की बात ई न्यारी सैं।