शुभ मुहूर्त म्हैं जारी होवैगी भगवांधारी उम्मीदवारां की लिस्ट

मीनू शर्मा: ल्यो जी कुस लोग तो शुभ कामां म्हैं तो शुभ टेम देखया करैं सै पर भगवांधारियां नै तो उम्मीदवार की लिस्ट खातर बी शुभ मुहूर्त कढा लिया सै तो इब्ब इनकी लिस्ट नवरात्रों म्हैं आवैगी। यू बी कर कै देख लेवैं। इतणा तो इन्नैं बी बेरा सै कै इन्नैं उम्मीदवार इब्ब मैदान म्हैं उतारने ई पडने सैं। अर इस बात म्हैं इब्ब देर करी बी कोणी जा सकै। पहल्यां तो यू दूजियां पाॢटयां आलेआं नै ई देखे थे पर इब्ब यू टाल कोणी सकै सै। इसी तरैं हाथ आलेआं का बी हाल सै।

इन म्हैं बी इब्बी टाल-मटोल चाल रह्यै सै। इन्नैं बी टेम रैंदे अपणे उम्मीदवारां नै फाइनल कर लेणा चइए। इबकै आचार संहिता बी कुस घणी लंबी लाग रह्यी सै तो नेता तो चुस्त हो रह्ये सै पर मैदान म्हैं कोणी उतरे सै। वोटर उम्मीदवार नै देख कै अपणा मूड बतावैगा।