कैबिनेट की मीटिंग म्हैं मिली मंजूरी बडे मुद्देआं नै
punjabkesari.in Friday, Nov 16, 2018 - 11:48 AM (IST)
चंडीगढ़(मीनू): सरकार नै अपणे मंत्रिमंडल की मीटिंग म्हैं बड़े मुद्देआं तै मंजूरी दी सै। दूजियां पार्टियां आले जितना मर्जी प्रदेश सरकार नै कोस लेवैं। खट्टर बाब्बा अपणी मस्ती म्हैं अपणा काम कर रह्यै सै। कैबिनेट की मीटिंग आज पंचकूला म्हैं फल आर सब्जी मंडी लगाण की मंजूरी दे दी सै। चीफ फार्मासिस्टां के 1022 पद बी भरे जावैंगे। हरियाणा मोटर वाहन नियम म्हैं बी संशोधन करण की मंजूरी दे दी गई सै। और बी कितणे ई प्रस्तावां नै आग्गै बढाया जावैगा।
प्रदेस की राजनीति म्हैं चाए जितणा बी घमासाण मचया होवै खट्टर बाब्बा अपणी मीटिंगां करी जा रह्यै सै, मंजूरी देई जा रह्या सै। दूजियां पार्टियां आले इसनै घणा घेरै सैं कै इनकी नीतियां लोग्गां खातर कोणी सै। बीच-बीच म्हैं विरोधियां तै जवाबी हमले बी कर देवैं पर करै अपणे मन की सै। बाकी तो टेम बतावैगा कै इलैक्सणां म्हैं इसके लिए गए फैसले नै जनता कितणा माण देवैगी अर किम्मै ठुकरावैगी, यू देखण म्हैं इब्बी बख्त पडया सै।
सबसे ज्यादा पढ़े गए
