केंद्र सरकार के स्वर्णा तै आरक्षण का मुद्दा बढा सकै सै प्रदेस सरकार की मुस्किल

चंडीगढ़(मीनू): केंद्र सरकार नै स्वर्ण जाति तै10' आरक्षण देण के फैसले तै प्रदेस सरकार की मुस्किलां बढ सकै सैं। अर इसका सीधा असर इलैक्सणां म्हैं देखण नै मिल सकै सै। प्रदेस पहल्यां एक बार जाट आरक्षण नै लैके होए उग्र आंदोलन की ताप देखी सै। तब्बै जाट आंदोलन हिंसक हो ग्या था। प्रदेस सरकार नै बाद म्हैं छ: और जातां तै 10 प्रतिसत आरक्षण दे दिया था पर उस फैसले पै अदालत नै रोक लगा दी थी,

इब्ब केंद्र सरकार के स्वर्णां तै 10 प्रतिसत आरक्षण देण के फैसला कहे प्रदेस म्हैं हलचल मचा देवैगा क्योंकि जींद इलैक्सण सिर पै सै अर लोकसभा चुना मई म्हैं होण की उम्मीद से कदै स्वर्णा तै आरक्षण की बात तै प्रदेस की दूजियां जातां जो आरक्षण की बाट जोह रह्यी सै कदै बवाल मचावै। जाटां नैं आरक्षण खातर जो आंदोलन करया था, उस म्हैं बडा बवाल मचाया था अर प्रदेस नै घणा वित्त नुक्सान बी होया था। इब्ब आरक्षण की यू ताप शांत बैठे दूजेआं वर्गां नै सरकार के पाच्छै न पडवा देवै अर लोग इलैक्सणां के टेम म्हैं प्रदेस सरकार तै नाराज हो ज्या।