दिल्ली आली पार्टी नै लगाए मुख्यमंत्री पै पक्षपात करण के आरोप

चंडीगढ़(मीनू): मुख्यमंत्री की फर्जी खबर सोशल मीडिया पै चलाण के आरोप म्हैं पुलिस  नै ‘दिल्ली आली पार्टी के 60 तै ज्यादा कार्यकत्र्ता नै गिरफ्तार कर लिया सैं। इसतै दिल्ली आली पार्टी के मुखिया अर प्रदेश प्रमुख इब्ब मुख्यमंत्री खट्टर के पाच्छै पड़ गए सैं। कार्यकत्र्ता की गिरफ्तारी नै यू मुख्यमंत्री का तुगलकी फरमान बतावैं सैं। दिल्ली आला वजीर नै खट्टर साहब पै दोषां की झड़ी लगा दी सैं। उसनै तो इन्नै तानाशाह तक कह दिया सैं। अर इनकी पार्टी के नेता कवैं कैं मुख्यमंत्री तो किसी एक समुदाय के नेता सैं।

प्रदेस के बाकी लोग कड़ै जावैंगे। जिन कार्यकत्र्तावां नै गिरफ्तार किया सैं वा सारे दूसरी जाति के सैं। इनपैं कार्रवाई बी इसी खातर हो रही सैं के मुख्यमंत्री साहब प्रदेस के लोग्गां म्हैं भेदभाव करै सैं। तब्बै इसपै सारी कार्रवाई हो रही सैं। इब्ब प्रदेस सरकार का कहना सै के प्रदेस म्हैं सब ठीक चाल रहै सैं। यू बाहरी पार्टी म्हारे लोग्गां का भाईचारा खराब करण की कोसिस कर रही सैं। दिल्ली आलेआं की पार्टी के कार्यकत्र्ता की गिरफ्तारी प्रदेस की राजनीति म्हैं क्यूंकर तूफान ढावैगी यू आण आला टेम बतावैगा।