फसलां कै बीमा क्लेम लेण खातर टंकी पै चढ ग्यै किसान
punjabkesari.in Wednesday, Sep 19, 2018 - 11:14 AM (IST)
अंबाला: पिछले 43 दिनां तैं लघु सचिवालय कै बाहर धरणे पै बैठे किसानां नै कोई पूछण कोणी ग्या। इब्बै बेचारयां नै ओर कुछ ना सूझया वा टंकी पर ही चढ़ ग्यै सैं कै इब्बै तो सरकार काणी तक उनकी बात पोंचैगी। किसानां का कहणा सै कै मुख्यमत्री कै आसवासण कै बाद बी किसानां नै उनका हक कोणी मिलया। किसान चावै कै उन्नै उनका पीसा उनके खाते म्हैं मिलणा चइए। इब इन किसानां का कैणा सै कै जब तक बीमा का पैसा उनके खातों म्हैं नईं आ जांदै वे टंकी से कोणी उतरेंगे।
इब तहसीलदार साहब ग्ये तो सै किसानां नै मनावण। उन्नै समझाया बी जा रह्यै सै, सरकार नै इन सब बातां का ख्याल राखणा चइए कै हर वर्ग कै लोगां की बात सुणी जावै, किसान तो प्रदेस की रीढ़ की हड्डी सैं। न्यूं बी इन्नै अन्न दाता कहै जावै सै तो इनकी बात तो सरकार नै सुनणी ई चइए। इब दो दिनां तै किसान टंकी पै चढ कै बैठै सैं। निरे वायदां तै किसाना का मन कोणी बदल्या सै। सरकारी नुमाइंदे इनकै दौरे ग्यै तो सैं पर इब्बै बी यू किसान औठै ई डेरा डाले बैठे सै। इब तो 2 लुगाइयां नैं टंकी पै चढाण की बात करण लाग्गै सै।