गुटबाजी नैं दूर खातर बणा दी हाथ आलेआं नै कमेटी

मीनू शर्मा: ल्यो जी हाथ आलेआं नै दो दिन पहल्यां अपणी कमेटी बणा कै आर्डर वापस लिए थे इब्ब वा ई जारी कर दी है। इस कमेटी म्हैं प्रदेस के सारे बडे नेता जोड़े लिए ग्ये सैं। पहल्यां बणी कमेटी म्हैं बी गुलाबी पगड़ी आला नेता चेयरमैन था। इब बी वा ई रवैगा अर उस गेल सारे नेता मैंबर बणा दिए सैं। पहल्यां तो यू कमेटी लिस्ट आधे घंटे म्हैं ई वापस ले ली ग्यी थी पर इब्ब उसी पै पक्की मोहर लगा कै जारी कर दिया गया।

उसपै दूजियां पाॢटयां आलेआं नै घणी बातां करी थीं। भगवांधारी तो कवै थै कै इनकी अपणे नेतावां पै ई भरोसा कोणी सै। अर कोई कवै था कै पार्टी की फूट नै कमेटी कोणी बणाने दी। हाथ आलेआं नै कमेटी बणा कै दूजियां पाॢटयां आलेआं का मुंह बंद कर दिए सै। इसतै एक संदेस तो यू जावैगा कै पार्टी म्हैं सारे ई गेल-गेल सैं।  इब्ब सारे नेतावां नै जोडण खातर इनकी पार्टी नै काम तो ठीक किया सै पर इनके नेता कितणा गेल होवैंगे यू तो टेम बतावैगा। इब्ब इनके स्यामणे इलैक्सणां खातर टिकट बांटण का काम बी होवैगा तो इब्ब टेम बता ई देवैगा कै इनकी आपसी फूट किम्मैं अर क्युंकर बंद होवैगी।