हरी पगड़ी आलेआं नै लाग रह्यै सै झटकै पै झटका
2/7/2019 2:07:19 PM
चंडीगढ़(मीनू): इब्बी तो इनकै भण जी गेल गठजोड़ की बात म्हैं ई लटकी पडी सै। इसी म्हैं ई इन्नै एक और झटका लाग ग्या सै। घर की पार्टी तो टूटी जो टूटी सै, इब्ब इनका एक ओर विधायक इन्नैं छोड भतीजे की पार्टी म्हैं चला ग्या सै। अर इब चाचे की नेता प्रतिपक्ष की कुर्सी बी खतरे म्हैं पड ग्यी सै। इनके इतने बुरे हाल की उम्मीद कोणी करी ती किसी नै।
भतीजेआं नै तो पहल्यां ई दिल्ली आली पार्टी गेल बात बणा ली सै अर भैण जी बी इनकी गेल हां-ना म्है ई लागी पडी सै तो हरी पगड़ी आलेआं की हालत इब्बी घणी फिकर आली हो ग्यी सै। टाबर की फूट म्हैं पार्टी की किरकरी घणी हो ग्यी सै। समर्थक बी बंट ग्ये सै अर वोट बी बंट ग्यी सै। इसतै जाट वोट बैंक मान्नी जाण आली पार्टी के विधायकां का इनका साथ न्यूं छोडऩा कोई आच्छी बात नी सैं। बाकी टेम बतावैगा कै इनका अर इनकी पार्टी का कै बणैगा।