जींद उपचुनाव, घणी बातां, नामांकन इब्बे किसी का कोणी

चंडीगढ़(मीनू):  जींद उपचुनाव नै लै के सारी पाॢटयां पूरे जोश म्हैं आ ग्यी सैं। हर कोई अपणी जीत के दावे कर रह्यै सै। दावेआं तक तो बात ठीक सै पर इब्बी तक भगवांधारियां तै बागी हो कै अपणी पार्टी बणान आले नेता के अलावा किसी नै अपणे उम्मीदवार कोणी खडै किए सैं। प्रदेस सरकार तै इब्बी ओडै की ‘ग्राऊंड रिपोर्ट’ लेवैगी फेर अपणे उम्मीदवार का ऐलान करैगी, हाथ आलेआं नै बी किसी उम्मीदवार का नाम कोणी बताया सै।

हरी पगड़ी आलेआं का बी यू ई हाल सै। हरी पगड़ी आलेआं तै न्यारे होए इनकै भतीजे की पार्टी नै बी इब्बी अपणा पता कोणी खोल्या सै। न्यूं तो राजनीतिक हलकेआं म्हैं इस उपचुनाव नै जीत का द्वार तक केहा ग्या सै। इसी खातर कोई बी पार्टी यू दाव हारणा कोणी चावै सै, सारे एक-दूजे का उम्मीदवार नै टोवै सैं। ताकि एक पार्टी के उम्मीदवार तै तगड़ा उम्मीदवार खड़ा कर सकै सैं। बाकी टेम बतावैगा के कुण जीतैगा इस म्हैं पर इब्बी तो चर्चा करण नै किसी का नाम बी कोणी सै।