दफ्तरां म्हैं इब्बै न लगैंगे फाइलां के ढेर, खट्टर बाबा एक्सन म्हैं आ गया सै फेर

अंबाला: मुख्यमंत्री के मुख्य सचिव नै प्रदेश के सारेआं विभागां के अध्यक्ष अर एसडीएम बोर्ड निगमां के प्रबंधकां नै करडे निदेश दे दिए सैं के जिन फाइलां नै एक महीने तै ज्यादा टेम हो ग्या सै उननै क्लीयर करन खातर अभियान चलाया जावै। दिए गए टेम म्हैं के बाद सारे विभागां की जांच की जावैगी जदै किसी विभाग म्हैं पुरानी फाइल पडी पाई गई तो उसपै कार्रवाई होवैगी। सरकार के इस फरमान तै उन सरकारी बाबुओं का जी खराब हो सकैं जिन्नै काम करन की आदत कोनी सै। इब तो अर्जेंट लिखी फाइल नै उसी दिन आग्गै काढना होवैगा। 

इसतै लोग्गां कै काम तोली हो ज्या करैंगे अर भ्रष्टाचार नै बी नकेल पडैगी। सरकार के इस आदेश तै सरकारी विभागां के कामकाज म्हैं बडा बदलाव आवैगा। न्यू तो इस सरकार नै सारा काम आनलाइन कर राक्खया सै। लोग्गां की सुविधा खातर कागजां का झंझट बी खत्म करन की कोशिश करी सै। फेर बी सरकार नै इलैक्शनां म्हैं लोग्गां तै वोटां मांगन म्हैं बडे हाथ पैर मारने पडैंगे। बाकी टेम बतावैगा के लोग कडै नै विश्वास दिखावैंगे।