भगवांधारियां नै चुन लिए सैं विधानसभा चुनाव प्रभारी

प्रदेस म्हैं इस टेम भगवांधारी विधानसभा की वोट खातर पूरी तरैं तैयार सैं, इब्बी तो इन्नै इस खातर चुनाव प्रभारी बी नियुक्त कर दिए सैं, अर दूजी ओड हाथ आलेआं की पार्टी म्हैं इब्बी प्रधानगी की बात ई कोणी पूरी पड रही सैं। विधानसभा का मानसून  सत्र बी नेता प्रतिपक्ष के लिकड गया सैं। इनकी आप कार्यकारिणी की बैठक म्हैं कदे कोय बदलाव की उम्मीद करी पा रही सै वा बी कोन बात बणैगी के नी, इस खातर कोय घणा अनुमान लगाणा मुश्किल सैं, जदे इस मीटिंग म्हैं कोय बात ना बणी तो फेर तो इनका मालिक ई जानै कै बणैगा।

बाकी भगवांधारी तो अपणे चाव म्हैं आकै सारे काम तरीके-तरीके करदे जा रहे सै, मानसून सत्र म्हैं प्रस्ताव पास कराकै इब्ब यो अपणा ध्यान वोटां म्हैं लावैंगे अर लोग्गां नै बलोण कै न्यारे ढंग काढ तमावैंगे। बाकी तो जो बणैया टेम बता ई देवैगा।

(प्रस्तुति: मीनू शर्मा)