चाचे की चिट्ठी पै स्पीकर नै कर दी सै कार्रवाई
3/28/2019 1:18:27 PM
हरी पगड़ी आलेआं की चिट्ठी पै सदन के स्पीकर नै इनकी पार्टी के बागी विधायकां पैं कार्रवाई सुरू कर दी सै। स्पीकर नै इनकी पार्टी के विधायकां नै नोटिस जारी करकै सात दिनां म्हैं जवाब देण का आर्डर करया सै। चाचे नै अपणी पार्टी छोडण आले नेतावां पै घणा ताप सै। इसनै इनपै पार्टी विरोधी गतिविधियां चलाण का आरोप बी लगाया सै। न्यू तो इसनै अपनी नेता प्रतिपक्ष की कुर्सी बी सशर्त गेल छोडी सै वा बी इब इसतै खुस हो ग्यी सै। तो इब्ब यू कुर्सी तो हाथ आलेआं दौरे ई जावैगी क्यूंकि इब्ब हरी पगड़ी आलेआं के विधायक तो इन्नै छोड ग्ये सैं। कुस बी हो प्रदेस की राजनीति म्हैं इनका यू कदम चर्चा म्है सैं। अंदरखाते तो यू कहा जावै कै भगवांधारियां नै इनके दो विधायक अपणी ओड करण खातर घणे जोड़-तोड़ करै सैं। बाकी तो टेम बतावैगा कै यू जोड़-तोड़ इन्नैं कितणे काम आवैंगे।
-(प्रस्तुति: मीनू शर्मा)