दिन-दिन बदल रह्ये सै उप चुनाव का मिजाज
1/22/2019 10:54:29 AM
मीनू शर्मा: उपचुनाव की रौणक दिनों-दिन बढती जा रह्यी सै। रोजै नई-नई बातां, राजनेतावां के वादे सुणन नै मिल रह्ये सैं। इनसे मान्नै बी अपणे गिले-शिकवे दूर कर रह्ये सैं। सारी पाॢटयां नै अपणे बागी दिखण आले नेतावां नै टेम रहंदेआं मना लिया सै। इब्ब सुरू हो ग्या सै समर्थण देण का दौर। कंडेला की पंचायत नै एक पार्टी नै अपणा समर्थण दिया सै अर दूसरी पार्टी नै किसी और पंचायत नै दे दिया सै। वोट पडन तक यू कुस ई चालैगा। दिल्ली आली पार्टी नै तो अपणा समर्थण जिसतै देणा था दे दिया सै। सुणन म्हैं आ रह्या सै कै हरी पगड़ी आलेआं का बडा नेता बी बाहर आ रह्या सै अर वा बी उरै जाकै लोग्गां तै वोट मांगैगा। सारी पाॢटयां जमा पूरा जोर लगा रह्यी सैं इस उपचुनाव नै जित्तण नै। किसी नै कोई कसर नी छोड राक्खी सै। यूं तो मान्नणा पडैगा कै इस उपचुनाव नै सारे प्रदेस का ध्याण अपणी कान्नी कर राक्खया सै।