प्रदेस नै 3 सौगातां दे ग्यै प्रधानमंत्री
11/20/2018 10:51:43 AM
चंडीगढ़(मीनू): प्रधानमंत्री अपणे 4 सालां के शासनकाल म्हैं ग्यारहीं बार प्रदेस म्हैं आए सै अर आज तो प्रदेस ने तीन-तीन सौगातें दे ग्ये सै। बड़े दनां तै एक्सप्रैस-वे के उद्घाटन की तैयारी हो रह्यी थी। प्रधानमंत्री नै पहल्यां तो एक्सप्रैस-वे का उद्घाटन किया दूजा बल्लभगढ़ मैट्रो बी चलवा दी अर एक विश्वविद्यालय का बी रिबन काट दिया। प्रधानमंत्री गेल प्रदेस के वजीर बी गद्गद् हो रह्ये थे। प्रधानमंत्री ने अपणे भासण म्हैं दूजियां पार्टियां नै जम कै हमला करया।
प्रधानमंत्री ने अपणे भासण म्हैं कहया कै यू एक्सप्रैस-वे तो पहल्यां ई बण जाणा चइए था पर पहल्यां की सरकारां नै इसकी ओड ई कोणी दिया। न्यू तो मैट्रो के उद्घाटन के बाद इसका क्षेय लेण की होड़ म्हैं दूजियां पाॢटयां के नेता बी ओड़े पोंच ग्ये थे पर आज के दिन प्रदेस तरक्की की एक ओड राह पै आग्गै बढ़ ग्या सै। इस बात की खुसी मान्नी जा सकै। बाकी रब्ब इसपै बी बडी राजनीति होवैगी, जो आण आले दिनां म्हैं दीखैगी बी जरूर।