विधानसभा सत्र सुरू होण तै पहल्यां ई सुरू हो ग्या सै हंगामा
punjabkesari.in Thursday, Dec 27, 2018 - 01:43 PM (IST)
चंडीगढ़(मीनू): प्रदेस सरकार नै विधानसभा का शीतकालीन सत्र बुला तो लिया सै पर सत्र सुरू होण तै पहल्यां ई हंगामा होण के आसार दिख रह्यै सै। प्रदेस सरकार के एक दिन के सत्र चलाण पै दूजियां पाॢटयां आले सरकार पै हल्ला बोलण लाग ग्ये सै। चाचे तै न्यारे होकै अपणी पार्टी बणान आले भतीजे का कैणा सै कै सरकार अपणे बिल पास कराण खातर 6 घंटे का सत्र चलाणा चावैं। गुलाबी पगड़ी आलेआं के बडे नेता का कैणा सै कै प्रदेस सरकार तो दिन के सत्र कराम खातर इतनी लौली मचा रह्यी सै जिसे इसनै मकाण खाई करणा होवै अर मकाण मालिक नै 6 घंटे का टेम ई दिया हो। हरी पगड़ी आले तो पहल्याँ ई कह चुकै सै कै सत्र दो दिन चलाया जावै।
लोग्गां के मुद्दे उठणे चइएं। इब्ब सरकार की इस सत्र कराण की मंसा कै सै ये तो सरकार ई जाणै। पर शीतकाल सत्र पहली बार ई बुलाया जा रह्यै सै। इसतै पहल्यां विधानसभा का मानसूण सत्र ई होया करै था। इब्ब ये तो इस सत्र म्हैं ई बेरा पाटैगा कै सरकार अपणे बिल पास करवाणे म्हैं सफल होवैगी कै दूजियां पाॢटयां के मुद्देआं का जवाब देवैगी।
सबसे ज्यादा पढ़े गए
