पार्टी प्रधान तै जीत का मंत्र लेकै आए सै भगवांधारी

मीनू शर्मा: भगवांधारिया नै तो लोकसभा म्है बम्पर जीत तै पूरे देस म्हैं घा गे सै। पर इब्बी प्रदेस के विधानसभा इलैक्शन होने सै तो इसकी खातर बी इन्नै अपणी कमर पूरी तरह कस रखी सै अर इनकी पार्टी के बड़े प्रधान नै तो प्रदेस के नेतावां तै बैठक कर तैयारियां पै बी विचार किया सै। खट्टर बाब्बै नै इनके मिशन पचहत्तर का निशाना बांध्या सै। प्रदेस म्है विधानसभा की नब्बै सीटां सै अर इस म्है बी यो अपणी जीत पक्की करणा चावै तब्बै तो इनकी तैयारियां शुरु बी होगी सै।

खट्टर बाब्बै नै तो भरी सभा म्है यो बी कह दिया सै के किसी की बी टिकट पक्की कोन्या सै। कोई बी कार्यकत्र्ता किसी की बी  सीट पै जा सकै सै अर कोई कार्यकत्र्ता कदे बी विधायक अर मंत्री बण सकै सै। खट्टर बाब्बौ टेम घणे चाव म्है सै अर पूरे जोर सोर तै वोटां की तैयारियां करेै अगले कुछ दिनां म्है इनकी पार्टी का प्रधान प्रदेस म्है आवैगा बी। बाकी टेम बतावैगा के इसकी तैयारी कितणी काम म्है आई।