हरी पगड़ी आलेआं नै कर दिया अपणे उम्मीदवारां का ऐलान

घणे दिनां तै किसी पार्टी गेल गठबंधन  की आस म्हैं बैठी हरी पगड़ी आलेआं की पार्टी नै बी छ: उम्मीदवारां के नाम का ऐलान कर दिया सै। इब्ब तक भगवांधारियां नै दसां सीटां पै उम्मीदवार उतार दिए सैं अर हाथ आलेआं नै बी छ: सीटां पै उम्मीदवार घोषित करै सैं। भतीजेआं की पार्टी नै दिल्ली आलेआं गेल समझौता किया सै। अर इब्बी इन्नै उम्मीदवार घोषित कोणी करै सै। वा बी आजकल म्हैं अपणे उम्मीदवारां के नाम के पत्ते खोल देवैंगे। न्यू तो भतीजे का बाब्बू बी छुट्टी पै बाहर आ रह्यै सै। इस खातर यू विचार-विमर्श म्हैं लाग्गै पडै सै। नवीं पार्टी होण खातर इनपै घणा दबाव बी सै। भतीजे नै आच्छी तरैं बेरा सै कै अपणी सीट बचाण गेल इन्नैं पार्टी का वजूद बी दिखाणा सै। हरी पगड़ी आलेआं पै पार्टी की टूट भारी पडी सै। फे बी यू इलैक्सणां म्हैं इकल्ले ई खडे होए सै। भगवांधारियां गेल समझौते की बात की चर्चा तो घणी होई पर चर्चा म्हैं ई खत्म हो ली तो इब्ब नाम भरण के पर्चे तो जमा होण लाग रह्ये सैं तो सारी पाॢटयां खातर घणा मुश्किल टेम सै अपनी-अपनी साख बचाण का।
-(प्रस्तुति : मीनू शर्मा)